أحمد شيبة: “قسماً بالله ولا جنيه خدته من أغنية (آه لو لعبت يا زهر)”

فجّر المطرب المصري أحمد شيبة مفاجأة حول أشهر أغنياته وهي “آه لو لعبت يا زهر” (422 مليون مشاهدة على يوتيوب)، مؤكداً أنه لم يتقاض جنيهاً واحداً من ورائها.

وقال أحمد شيبة في مقابلة تلفزيونية إنه لم يحصل على أي مقابل مادي من الأغنية، رُغم المشاهدات المليونية التي حققتها على يوتيوب.

ومع تأكيده أن الأغنية فتحت له باب الشهرة، غير إنه قال: “قسماً بالله ولا جنيه خدته من أغنية (آه لو لعبت يا زهر)”.

وأكد أنّه تعرّض للنصب في هذه الأغنية، شارحاً: “لما فلان يكسب من ورا واحد 100 جنيه مثلاً، على الأقل يدي الواحد ده 5 جنيه، بس أنا فرحان بنجاح الأغنية والحمد لله عندي كنز وهو حب الناس، وفي ناس عندهم فلوس بالهبل بس معندهمش حب الناس”.

وأوضح إنه لا يقف كثيراً أمام المقابل المادي الذي يتقاضاه في أعماله، مضيفاً: “باخذ أي فلوس وبحمد ربنا وبشكر فضله وأوقات بجامل ناس وبغني ببلاش وكل زمايلي عارفين كده، لأن الناس تعبانة عشان كده مابعلّيش أجري، لأني لو عليته هقعد في البيت”.

حفل أعقب وفاة شقيقه

في سياق آخر، رد شيبة على الانتقادات التي وُجهت إليه بعد إحيائه حفلاً غنائياً عقب وفاة شقيقه، موضحاً: “كل واحد بيكون حزنه في قلبه، واضطريت أنزل الشغل غصب عني.. مش عشان الفلوس زي ما الناس بتقول.. شغلتي صعبة جداً لأننا بنروح نفرح الناس وربنا أعلم باللي جوانا”.

وأضاف: “نزلت الشغل من 3 أيام، وعشان محدش يفهمني غلط، أنا نزلت عشان الفرقة بتاعتي واللي تقريباً 50 فرد، كلهم رزقهم يوم بيومه”.